اذا منتأمل بقلب يسوع منكتشف انو

هالقلب هوي نبع الرحمة و السلام

المطرح يلي بيقدر يرتاح في كل شخص

هالقلب اللي ما بيعرف الا يحب

هالقلب اللي بيعطي بمجانية

هالقلب اللي هوي مَرجَع لكل شخص ضايع

هالقلب اللي بيروي كل شخص عطشان

هالقلب اللي بيقبل كل شخص متل ما هوي

هالقلب اللي بدو يحب الناس و الناس تحبو

بدون شروط بلمسة حب بيقدر يكفي كل قلب

أطيب قلب قلب الرب

هيدا القلب الغامر الدني كلا برحمتو

وقد ما نتأمل بقلبو منقدر نكتشف اسرار الحب

ومنغتني فيه

شو بيفرق قلبنا عن قلبو

وهوي بدو قلبنا يشبه قلبو

قلبنا بسامح بس ما بينسى الأذية

قلبو بيغفر و بينسى

قلبنا بيحقد و بحب بلحظة

قلبو ما بيعرف يحقد و بينبض حب

قلبنا بينجرح بس قلبو بداوي كل الجروحات

وما بيجرح حدا كل همو الكل يعيش بسلام

قلبنا بضيع طريقو مرات كتير بس قلبو هوي الطريق يلي بتوصل للمطرح اللي كل شخص بيمشي معو بيرتاح فيه

قلبو اشهى من العسل و بيكفي و بيروي

كل شخص بيلتجي الو بيربح السما

و الشاطر يلي بقدم قلبو للرب و بقلو خود قلبي و عطيني قلبك لمتلك حب و اغفر و كون انسان بقلب العالم مليان حب

بقلك يا رب اليوم خود قلبي وحط قلبك محلو

بقدملك قلبي علمني متلك حب و اعطي بمجانية

ثبتني بأرض الإيمان و حفظلي اهلي

يا قلب يسوع انا بحبك و بكرس حياتي الك

يا قلب يسوع انت فرحي و سلامي بقدم كل شي فيي الك ، بتكل عليك و بوثق فيك و بحبك

جان راضي / بيروت